Un cativo desesperado pola fame. Unha época escura na que homes sen escrúpulos abusan do seu poder. E a maxia. Dos libros. Das lecturas. Dos que aman as historias que viven dentro das letras…Encantaravos!!! Ilustrado por Xosé Tomás.
O segredo da vella librería
Xabier López López. Galaxia
Escaquis e Romeu
Antonio Manuel Fraga/Jacobo Fdez Serrano (Ilustrador). Xerais
«É coma un neno», dicían de Romeu os seus coñecidos, pois se algo caracterizaba o vello barbeiro era a súa inocencia. A vida de Romeu transcorría tranquila, entre cortes de pelo, barbeados e lecturas na compaña das plantas da súa galería. Mais unha noite de treboada Escaquis apareceu misteriosamente para poñer patas arriba a súa existencia. Esta estraña nena contaba cun poder moi especial: era quen de abrir portas a outras realidades! Romeu e mais os seus amigos tentarán descubrir a súa orixe para axudarlle a retornar ao seu mundo.
Brian, o Chinés. Ed. Émbora (Primeiro Premio de Novela Xosé Neira Vilas) é unha novela sobre un mundo de emocións ao redor dun neno con síndrome de Down, dende os seus primeiros anos na escola ata a súa adolescencia. Durante este tempo, Brian vai sentíndose parte dun grupo –formado por amigos, mestres, familia...– no que se sinte cómodo e co que vive grandes experiencias.Pero este percorrido non sempre é doado, ás veces debe enfrontarse a situacións problemáticas que van cambiar o rumbo dos seus días.Atrapa dende a primeira páxina.
ULISES E AS CRONOAMIGAS
Ulises é unha alumna exemplar, pero Caraempanada decidiu suspenderlle Historia este curso. Cun pai anticuario, non se pode permitir tal cousa. Os seus pais deciden mandala a un campamento para rapazas na que poderá reforzar os seus coñecemento de Historia. E é que alí conviven rapazas de diferentes épocas históricas!
A noite das bicicletas
Teresa González Costa/ Jacobo Fdez Serrano (Ilustrador)
Raymond era un apaixonado da bicicleta e experto na apertura de todo tipo de candados. Membro dunha familia de saltimbanquis, a súa ilusión era participar nunha gran carreira ciclista, razón pola que era capaz de pedalear todo o día sobre "Vancouver", a súa bicicleta azul e vermella., Premio Merlín de Literatura Infantil 2010
O libro do verán
Texto: Tove Jansson.
Texto: Tove Jansson.
Amosa a amizade entre unha nena, Sophia e a súa avoa octoxenaria. Unha relación intensa de varios veráns nunha illa fermosa e salvaxe de Finlandia.
Ningún comentario:
Publicar un comentario