| Xa sabedes o importante que é a lectura. Fostes grandes lectores, en xeral, neste trimestre. E claro...nos agasallos de Nadal, sería moi moi recomendable incluír libriños...aquí vos deixo algúns...en galego que xa sabedes que ledes menos...📗📚 PERE TOBARUELA...Un misterioso asasinato, o preludio dunha investigación que levará a Matilde e o comisario a enfrontarse a un estraño caso no que se mesturan a realidade, os soños e as lendas e onde nada nin ninguén é o que parece.  |
| EDICIÓNS ÉMBORA |
 Dennis vive nunha casa aburrida, nunha rúa aburrida, nunha cidade aburrida, e non ten grandes aspiracións. Pero o que si ten son soños, e cando comeza a seguilos, as cousas non volverán ser iguais. |
A nena do vestido de flores
Fontemoura, Manuel. Aira Editorial.
Dania Vitoria é unha nena de once anos con dous ollos, dúas pernas, dous brazos, unha cabeza… vaia, o normal. Mais quen quere ser normal? Dania Vitoria é tamén unha nena Asperger....Coa compra deste exemplar fas unha doazón de 1 euro á Asociación Limisi para a promoción das persoas con diversidade funcional.
MORTIÑA. O AMIGO PANTASMA
Barbara Cantini. Tradución de Rosa Marta Gómez Pato e Manuel González González
Quen é o misterioso neno pantasma que desde hai días intenta entrar en Vila Decadente? Mortiña está desexando sabelo, pero o espectro non lembra nada… nin tan sequera o seu nome!
Patio de luces
Erica Esmorís
Lea pasa as tardes dos venres co seu avó, que é porteiro dun edificio. Unha profesión en perigo de extinción! O baixo do avó parécelle moi aburrido, agás polo patio de luces, ao que lle está terminantemente prohibido saír. En canto o avó volve ao traballo, Lea desobedece e sae ao patio para observar a roupa dos tendais e imaxinar como será a vida deses veciños aos que nunca viu. Serán tal e como Lea os imaxina?
Plan de rescate
Antía Yañez
INFANTIL E XUVENIL>MERLÍN XERAIS
III Premio Agustín Fernández Paz pola Igualdade 2020
Xeila, Heitor, Aldán e Noela están traballando na aula de apoio da súa escola cando algo raro acontece. Oen un estrondo e a profe Xoana, que vai comprobar que pasou, desaparece. Onde estará? E o resto do colexio? Por que anda a policía fóra? Como di Noela: prepárate para vivir unha aventura na que hai escopetas, sangue, xuramentos e ata un plan de rescate, pero tamén un chisco de amizade, compañeirismo, traballo en equipo e mesmo algo de amor (puaggg, que noxo!).
Ningún comentario:
Publicar un comentario