QUE NOS DI O TEXTO?

Esta semana nas horas de galego, imos practicar a lectura comprensiva...xa sabedes que me gusta facer unha comprensión distinta...A ver que vos parece a idea...Imos debuxar e, á vez, practicar a comprensión lectora.

( sacado de AULAS GALEGAS)

Instrucións:

 1) Realiza unha lectura do texto e presta atención ós detalles da descrición. 

 2) Plasma o lido nun debuxo, de xeito que os datos da descrición coincidan o máis posible co debuxo realizado, independentemente da calidade artística. 
3) Copia todas as palabras con acento do texto e dime a razón dese acento como o facemos sempre...vai ós esquemas a consultar dúbidas.

O TEXTO É O SEGUINTE…

 Estamos na primavera. Ao fondo hai un campo florido con moitas margaridas e algunha que outra flor cunha cor amarela. Nesa mesma zona hai dúas árbores, que fermosas son! Estas son corpulentas, con ramas moi finas e cheas de flores azuis. Ao lado esquerdo do campo hai un gran estanque de pedra gris cheo de auga limpia, cristalina e transparente, e tamén no que podo ver como saltan varios peixes. Son a atracción das persoas que pasan preto del; agora mesmo, un neno loiro está a tirarlles unha trociño de pan do seu bocadillo. Máis preto de min, observo un par de palomas xogando, mentres unha gaivota sobrevoa o ceo azul e soleado. Ao lado dereito do campo atópase un longo paseo de madeira que agora mesmo está baleiro, pero habitualmente pasean familias por alí. Gústame moito porque parece que non ten fin!

Ide a libreta de galego, poñemos a data e copiámolo...Ollo ás faltas, non poden existir...estades copiando.

Pois agora...a debuxar o que lestes!!! (Usade toda a folla en apaisado) Non vos preocupedes se sae regular o debuxo...Fixádevos nos detalles.

SEGURO QUE SAE XENIAL!!!!