Que é un coronavirus?
Os coronavirus son unha gran familia de virus que poden causar enfermidades tanto en animais como en humanos. Nos humanos, sábese que varios coronavirus causan infeccións respiratorias que poden ir desde o arrefriado común ata enfermidades máis graves . O coronavirus descuberto máis recentemente causa a enfermidade do coronavirus COVID-19.
Cal é a sintomatoloxía do COVID-19?
Os síntomas máis comúns inclúen febre, tose e falta de aire. Nalgúns casos tamén pode haber síntomas dixestivos como diarrea e dor abdominal. A maioría dos casos presentan síntomas leves: a infección pode causar pneumonía, falta de aire grave, insuficiencia renal e incluso morte.
Cando se detectou o primeiro caso de coronavirus?
O novo coronavirus SARS-CoV-2 é un novo tipo de coronavirus que pode afectar ás persoas e detectouse por primeira vez en decembro de 2019 na cidade de Wuhan, provincia de Hubei, China.
Cal é a distancia mínima que se debe manter para evitar o contaxio de COVID-19?
A distancia interpersoal de 1,5 m é suficiente para evitar o contaxio por axentes patóxenos transmitidos por gotiñas respiratorias, nunha situación de conversa normal, con ambas persoas paradas ou camiñando a un ritmo normal.
Que significa illarse durante a pandemia de coronavirus?
O illamento é unha medida importante que toman as persoas con síntomas de COVID-19 para evitar infectar a outros da comunidade, incluídos os membros da súa familia. O illamento prodúcese cando unha persoa con febre, tose ou outros síntomas de COVID-19 queda na casa e non vai ao traballo, á escola ou a lugares públicos. Podes facelo voluntariamente ou por recomendación do teu médico.
Cal é o beneficio de levar máscaras durante a pandemia de coronavirus?
As máscaras hixiénicas son un complemento ás medidas de hixiene e distanciamento físico recomendadas polo Ministerio de Sanidade no contexto da pandemia COVID-19. Cubren a boca, o nariz e o queixo .
Atent@ssssss
Ningún comentario:
Publicar un comentario