O noso clima é fundamentalmente oceánico, con temperaturas suaves e abundantes precipitacións durante todo o ano.
A causa de todo isto é a proximidade do mar, que fai que as temperaturas sexan máis suaves (ou menos extremas) e polo xeral trae ventos cheos de humidade que ó contactar co relevo xeran moitas chuvias.
Todo isto nas zonas de costa, pero según imos cara ó interior, as temperaturas son máis extremas e as chuvias son menos abundantes.
Nas serras centrais, orientais e sudorientais; debido á maior altitude, existe un clima de montaña, con invernos moi fríos, veráns frescos e maiores precipitacións.
PRECIPITACIÓNS EN GALICIA
Polo xeral son bastante abundantes e regulares ó longo de todo o ano. Adoita haber máis chuvias no inverno, e logo na primavera e no outono. O verán é a estación máis seca.
Non chove coa mesma frecuencia e/ou intensidade en tódolos puntos de Galicia: onde máis chove é na costa e nas zonas montañosas das Serras Centrais e Orientais. Nestas serras no inverno as precipitacións son normalmente en forma de neve.
O CLIMOGRAMA
É un gráfico que amosa datos de temperaturas medias e precipitacións rexistradas nun sitio concreto ó longo de todo un ano.
Está composto por un eixe horizontal e dous verticais.
No eixe horizontal colócanse os 12 meses do ano. Polo xeral escríbese só a súa inicial (X, F, M...)
No eixe vertical dereito colócanse as temperaturas en graos centígrados (ºC) e na gráfica verémolas cunha liña.
No eixe vertical esquerdo colócanse as precipitacións en milímetros (mm) e na gráfica imos velas como barras verticais.
PRACTICAMOS:
Ningún comentario:
Publicar un comentario