Outra saída para coñecer o noso pobo co obxectivo de observar "in situ"o que estudamos nas aulas, en traballos feitos en grupo e aprender novas cousas, dentro do PDI do centro, “A GUARDA É VIDA”.
O primeiro foi observar as cores das casas do noso porto. Logo puxemos rumbo ó MUSEO DO MAR.
Localízase na Atalaia, ó final do paseo marítimo. Esta edificación lembra unha antiga fortaleza defensiva de planta circular situada no porto que foi derrubada en 1945 . En 1997 reconstrúese no emprazamento actual.
Alí esperábanos TERESA ESPEJO, técnica de cultura do Concello da Guarda que nos fixo unha exposición detallada de todo o que se atopa nese museo: unha mostra das antigas artes de pesca e os seus aparellos...fabricación das cordas, unha chalana,as marcas dos mariñeiros guardeses, aparellos para recoller o argazo, áncoras, redes... E cunha selección de cunchas de mar procedentes de todo o mundo. Moi agradecidxs por seguir aprendendo o noso Teresa!!!
Rematada a visita e despois dunha pequena merenda, puxemos rumbo á nave das REDEIRAS.
https://www.paxinasgalegas.es/asociacion-de-redeiras-atalaia-632591em.html
Alí esperaba MARINA que nos detallou o que estaban facendo coas redes que tiñan estendidas e puidemos ver a varias redeiras arreglando e cosendo redes. Graciñas!!!
Para rematar a mañá subimos ó CASTELO DE SANTA CRUZ onde admiramos a beleza da paisaxe e comprobamos o aprendido nas aulas.
Aquí deixamos a mañá en imaxes. Outro día xenial!!!
Ningún comentario:
Publicar un comentario